In faciem vorsus Amphitruonis Jupiter, Dum bellum gereret cum Telebois hostibus, Alcmenam uxorem cepit usurariam. Mercurius formam Sosiae servi gerit Absentis : his Alcmena decipitur dolis. Postquam rediere veri Amphitruo et Sosia, Uterque luduntur dolis mirum in modum. Hinc jurgium, tumultus, uxori et viro; Donec, cum tonitru voce missa ex aethero, Adulterum se Jupiter confessus est.